Node.js

Node же Node.js - V8 (JavaScript'ти машиналык кодго которот) кыймылдаткычка негизделген программа платформасы. JavaScript'ти атайын адистешкен тилден жалпы максатта колдонулуучу тилге айлантат. Node.js JavaScript'ке өзүнүн (C++ менен жазылган) API'ы менен киргизүү-чыгаруу түзмөктөрү менен иштешүү, түрдүү тилдерде жазылган башка сырткы китепканаларды бириктирүү мүмкүндүгүн кошот. Аларга чакырыкты JavaScript-коддон камсыз кылат. Node.js көбүнчө серверде, веб-сервер кызматында пайдаланылат. Бирок, Node.js'те десктоп терезе колдонмолорду (Linux, Windows жана Mac OS үчүн NW.js, AppJS же Electron'дун жардамы менен) иштеп чугууга анан калса, микроконтроллерлерди программалоого болот. Node.js'тин негизинде киргизүү/чыгаруусу блоктолбогон, окуяга багытталган жана асинхрон (же реактив) программалоо турат.